ජාත්‍යන්තර වෙරළ පිරිසිදු කිරීමේ දිනය සහ ජාතික සමුද්‍ර සම්පත් සංරක්ෂණ සතියට සමගාමීව, “ක්ලීන් ශ්‍රී ලංකා” සහ “අත්තම” ජාතික වැඩසටහන යටතේ සංවිධානය කරන ලද විශේෂ වෙරළ පිරිසිදු කිරීමේ ශ්‍රමදාන වැඩසටහනක් 2026 සැප්තැම්බර් 19 වන දින මීගමුව බ්‍රවුන්ස් බීච් වෙරළ තීරයේදී සාර්ථකව පැවැත්විණි.
මෙහි ප්‍රධාන අරමුණ වෙරළබඩ හා සමුද්‍රීය පරිසර පද්ධතිය ප්ලාස්ටික් ඇතුළු අපද්‍රව්‍යවලින් තොරව පවත්වාගෙන යාම සහ පරිසර සංරක්ෂණය පිළිබඳ ජනතාවගේ අවධානය හා සහභාගීත්වය තවදුරටත් වර්ධනය කිරීම වූ අතර මෙම වැඩසටහන සාර්ථක කර ගැනීම සඳහා රාජ්‍ය නිලධාරීන්, රාජ්‍ය නොවන සංවිධාන, ස්වේච්ඡා පිරිස් සහ ප්‍රදේශවාසීන් සහයෝගය ලබාදෙන ලදි.
