பிரதேச செயலகம் - நீர்கொழும்பு

49 වැනි ජාතික මහා ක්‍රීඩා උළෙලට සමගාමීව බස්නාහිර පළාත් අධ්‍යාපන හා ක්‍රීඩා අමාත්‍යාංශය , ක්‍රීඩා සංවර්ධන දෙපාර්තමේන්තුව සහ මීගමුව ප්‍රාදේශීය ලේකම් කාර්යාලීය ක්‍රීඩා අංශය විසින් සංවිධානය කරන ලද මීගමුව අන්තර් ක්‍රීඩා සමාජ මලල ක්‍රීඩා උළෙල,  මීගමුව ප්‍රාදේශීය ලේකම්  රසිකා මල්ලවාරච්චි මහත්මියගේ ප්‍රධානත්වයෙන් 2025 මාර්තු 02 වන දින පෙ.ව. 9.00 සිට දිනය පුරා කුරණ මේජර් රාජ් ක්‍රීඩාංගනයේදී උත්සවාකාරයෙන් පවත්වන ලදි.  

වයස අවුරුදු 16 න් පහළ මීටර් 100, 200,400, 100X4, 400X4, දුර පැනීම, උස පැනීම, කවපෙත්ත විසිකිරීම,තුන් පිම්ම(බාලක / බාලිකා) හා විවෘත අංශයේ  මීටර් 100, 200,400, 800, 1500, 5000, 100X4, 400X4, දුර පැනීම, උස පැනීම, යගුලිය, හෙල්ල, කවපෙත්ත විසිකිරීම, තුන් පිම්ම(පිරිමි / කාන්තා ) යන තරඟ ඉසව් සඳහා තරඟකරුවන් සහභාගී විය.

CLEAN SRI LANKA ජාතික වැඩසටහනට සමගාමීව , වන සංරක්ෂණ දෙපාර්තමේන්තුව සහ ශ්‍රී ලන්කන් ගුවන් සමාගම ඒකාබද්ධව සංවිධානය කරන  ලද මීගමුව කඩොලාන වනාන්තර ආශ්‍රිත කසල ඉවත් කිරීමේ වැඩසටහන 2025 පෙබරවාරි 26 දින පෙ.ව. 7.30 සිට පෙ.ව. 11.30 දක්වා මීගමුව සිරිවර්ධන පෙදෙස දී පැවැත්විණි. 

එම වැඩසටහන ගරු කම්කරු නියෝජ්‍ය අමාත්‍ය මහින්ද ජයසිංහ මැතිතුමාගේ හා සුගත් තිලකරත්න මැතිතුමාගේ ප්‍රධානත්වයෙන් සිදු කෙරිණි.   මීගමුව ප්‍රාදේශීය කාර්යාලයේ නිලධාරින් මෙන්ම මීගමුවේ පරිසර හිතකාමි ගම්වාසීන්ද ඒ සඳහා සහභාගී විය.

SMART HOME - සපිරි නිවහන ව්‍යාපෘතියට අදාලව තෝරාගත් ගෘහ ඒකකවල සාමාජිකයින් දැනුවත් කිරීමේ හා ව්‍යාපෘතියේ මූලික අරමුණ පැහැදිළි කිරීමේ වැඩසටහනක් මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ ප්‍රධානත්වයෙන් හා ඵලදායිතා නිලධාරි ගයාන් ප්‍රනාන්ඳු මහතාගේ සම්පත් දායකත්වයෙන් 2025 පෙබරවාරි  19 වන දින මිගමුව ප්‍රාදේශීය ලේකම් කාර්යාලීය ශ්‍රවනාගාරයේදී පවත්වන ලදි. එම වැඩසටහනට අදාල වසම්වල ග්‍රාම නිලධාරින්, ආර්ථික  සංවර්ධන නිලධාරින් තෝරාගත් පවුල්වල සාමාජිකයින් සමෘද්ධි සංවර්ධන නිලධාරින් හා සියළුම ක්ෂේත්‍ර නිලධාරින් සහභාගී විය.