Divisional Secretariat - Negombo

ජගත් පරිසර සතිය පුරා ක්‍රියාත්මක කිරීමට යෙදුන වැඩසටහන් අතුරින් ප්‍රධාන වැඩසටහන ලෙස ජෛව විවිධත්ව සංරක්ෂණ දිනයට සමගාමිව, කඩොලාන සංරක්ෂණ වැඩසටහනක්  ප්‍රාදේශීය ලේකම් රසිකා මල්ලවආරච්චි මහත්මියගේ මගපෙන්වීමෙන් මීගමුව  ප්‍රාදේශීය ලේකම් කාර්යාලයේ Green Team කණ්ඩායම විසින්  පිටිපන වින්සන් දූපතේදී  පැවැත්විමට සංවිධානය කරන ලදි. 

එම වැඩසටහන ගරු ක්‍රීඩා නියෝජ්‍ය අමාත්‍ය සුගත් තිලකරත්න මැතිතුමන්ගේ හා මිගමුව ගරු නගරාධිපති හීන්කෙන්ද මැතිතුමාගේ ප්‍රධානත්වයෙන් පැවැත්වුණ අතර  අනෙකුත් රාජ්‍ය ආයතනද මේ සඳහා  සහභාගී විය. 

මිගමුව ප්‍රාදේශීය ලේකම් කාර්යාලයේ ප්‍රාදේශීය ලේකම් ලෙස සේවය කර මීට වසර දෙකකට පෙර වියෝ වූ අයේෂ් මෙලන් පෙරේරා මහතාට පිං පිණීස , මිගමුව ප්‍රාදේශීය ලේකම් ඇතුළු කාර්ය මණ්ඩලය විසින් සාංඝික දානමය පිංකමක්  මීගමුව කටාන ශාසනාරක්ෂක බල මණ්ඩලයේ සභාපති සහ ලේඛකාධිකාරි ස්වාමින් වහන්සේලා ප්‍රමුඛ සංඝයා වහන්සේලා එකොළොස් නමකට පිරිනැමීම 2025 මැයි 31 වන දින සිදු කරන ලදි.  

මෙම අවස්ථාවට අත්තනගල්ල ප්‍රාදේශිය ලේකම් සම්පත් ගුණවර්ධන මහතා සහ මිරිගම ප්‍රාදේශීය ලේකම් ඉන්දික ප්‍රසාද් මහතාද සහභාගි විය.

මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ මගපෙන්වීමෙන් ප්‍රාදේශීය ලේකම් කාර්යාලයේ නිලධාරින් එක්ව පොසොන් පොහෝ දිනය වෙනුවෙන් මඤ්ඤොක්කා දන්සැලක් 2025.06.11 දින මීගමුව ප්‍රාදේශිය ලේකම් කාර්යාලයේදී පැවැත්විණි.

" සැමට නිවහන -2025 "  ආධාර වැඩසටහන යටතේ මීගමුව ප්‍රාදේශීය ලේකම් කොට්ඨාශයේ වැල්ලවීදිය හා සෙත්තප්පාඩුව ග්‍රාම නිලධෘරි වසම් දෙකෙහි ආධාරලාභී නිවාස සඳහා මුල්ගල් තැබීම ක්‍රීඩා නියෝජ්‍ය අමාත්‍ය සුගත් තිලකරත්න මැතිතුමාගේ , ප්‍රාදේශීය ලේකම් තුමියගේ හා නිවාස සංවර්ධන අධිකාරියේ ගම්පහ දිස්ත්‍රික් කළමනාකාරතුමන්ගේ ප්‍රධානත්වයෙන් 2025.05.29 දින සිදුකරන ලදි.