සැලසුම් අංශය මගින් ක්‍රියාත්මක වන ව්‍යෘපෘති - 2026
පොහොසත් රටක් - ලස්සන ජිවිතයක් රජයේ ප්‍රතිපත්තියට අනුව පොහොසත්විම යනු ආර්ථිකමය වශයෙන් ශක්තිමත්විම පමණක් නොවන අතර අධ්‍යාපනය, සෞඛ්‍යය, යහපත් ජීවන තත්වය සහ ආකල්පමය වශයෙන්ද ශක්තිමත් වීම තුලින් ප්‍රද්ගල පෞරුෂයේ වර්ධනය රටේ ආර්ථික සංවර්ධනය හා බද්ධ වෙමින් ජිවන මට්ටම උසස් තත්වයකට පත්කිරිම මෙහි අරමුණ වේ.
ප්‍රජාශක්ති දිළිඳුබව තුරන් කිරීමේ ජාතික ව්‍යාපාරය වෙනුවෙන් ග්‍රාමීය සංවර්ධනය , සමාජ ආරක්ෂණ සහ ප්‍රජා සවිබල ගැන්වීම් අමාත්‍යාංශය විසින් ශ්‍රී ලංකාවේ බහුමාන දරිද්‍රතාවය තුරන් කිරීම සඳහා පහත මුලධර්ම මත පදනම්ව සංවර්ධන ව්‍යාපෘති ක්‍රියාත්මක කිරීමට කටයුතු කරනු ලැබේ.
මූලධර්ම
- සමාජ සහයෝගිතාව
- සමාජ සවිබලගැන්විම
- ජීවන දක්‍රය මත පදනම් වූ ප්‍රවේශය
- සමාජ සාධාරනත්වය සහ කිසිවෙකු අත්නොහැරීම
- සමාජ අන්තර්කරණය
- සහභාගීත්ව ප්‍රවේශය
අරමුණූ
- දිළිඳුබව තුරන් කිරීමේ වැඩසටහන් සඳහා ජාතික මට්ටමේ සහභාගිවයක් ලබාදීම.
- දිළිඳුබව තුරන් කිරීමේ ව්‍යාපෘත් ක්‍රියාත්මක කිරීම සඳහා මහජන කේන්ද්‍රීය සංවිධාන ව්‍යුහයක් ස්ථාපනය කිරිම.
- ජනතාවගේ සක්‍රීය සහභාගිත්වයෙන් ඔවුන්ගේ අවශ්‍යතා නියෝජනය වන ලෙස සංවර්ධන යෝජනා සකස් කිරීම.
- උචිතසංවර්ධන යෝජනා හඳුනා ගැනිම සඳහා මහජනතාව බලගැන්වීම.
- ඒකාබද්ධ වැඩපිළිවෙලක් ඔස්සේ සංවර්ධන ක්‍රියාවලිය කාර්යක්ෂම සහ සඵලදායි ලෙස ක්‍රියාත්මක කිරිම.
- මුලික පහසුකම්, යටිතල පහසුකම් සහ සේවා සඳහා වන ප්‍රවේශය ඉහළ නැංවීම.
- සියළු සංවර්ධන කාර්යයන්හිදී තිරසරභාවය සහතික කිරිම සහ පරිසරය ආරක්ෂා කිරීම.
- මැදිහත්කරණය තුලින් සමාජ ගැටළු අවම කිරිම.
- ආන්තික සහ අවදානම් ප්‍රජාව සඳහා රැකවරණය සලසා දීම.
- දිළිඳු ජනතාවගේ ජීවන තත්වය ඉහළ නැංවීම.
