பிரதேச செயலகம் - நீர்கொழும்பு

ආබාධිත ප්‍රජාව සාමාජිකත්වය දරන මීගමුව  ස්වශක්ති සංවිධානයේ වාර්ෂික විනෝද චාරිකාව 2025 අ‍ගෝස්තු මස 30 වන දින පින්නවල එළිමහන් සත්වෝද්‍යනයෙහි  හා පේරාදෙණිය උද්භිද උද්‍යානයෙහි සංචාරය කරන ලදී. එයට ආබාධිත ප්‍රජාව සහ භාරකරුවන් 84 දෙනෙක් සහභාගී වූ අතර චාරිකාව සඳහා වියදම දරන ලද්දේ ඔවුන්ගේම සංවිධානය වන  ස්වශක්ති සංවිධානය විසිනි .

Clean Sri Lanka වැඩසටහනට සමගාමිව මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ මග පෙන්වීමෙන්  ගරු ක්‍රීඩා නියෝජ්‍ය අමාත්‍ය සුගත් තිලකරත්න මැතිතුමාගේ සහභාගිත්වයෙන්  ක්‍රීඩා විද්‍යා ආයතනයේ කථිකාචාර්ය ඥානපාල මහතාගේ සම්පත්දායකත්වයෙන් මීගමුව ප්‍රාදේශීය ලේකම් කාර්යාලීය නිලධාරින් සදහා ශරීර සුවතා වැඩසටහනක් සහ සැහැල්ලු පන්දු ක්‍රිකට් තරඟාවලියක් මීගමුව කුරණ මේජර් රාජ් ක්‍රීඩාංගනයේදි 2025 අගෝස්තු මස 23 වන දින පැවැත්විණි.

මීගමුව ප්‍රාදේශීය ලේකම් රසිකා මල්ලවාරච්චි මහත්මියගේ මග පෙන්වීම යටතේ  සමෘද්ධි අංශය හා කුඩා ව්‍යාපාර අංශය එක්ව අස්වැසුම හා සමෘද්ධි ප්‍රතිලාභීන්  සවිබල ගැන්වීම  සදහා 2025 සැප්තැම්බර් මස 02 වැනි දින පෙ.ව.9.00 ට  දැනුවත් කිරීමේ වැඩසටහනක්  මීගමුව මහවීදිය දේවස්ථාන ශාලාවේදී පැවැත්විය. ඒ සදහා ප්‍රතිලාභීන් 800   ක් පමණ සහභාගිවු අතර සම්පත් දායකත්වය  ප්‍රාදේශීය ලේකම්තුමිය , කුඩා ව්‍යාපාර සංවර්ධන නිලධාරී හා සමෘද්ධි කලමණාකරු විසින් ලබා දෙන ලදි.

කලපු ආශ්‍රිත සංචාරක කර්මාන්තයේ  යෙදෙන යාත්‍රා හිමියන් දැනුවත් කිරීමේ වැඩසටහනක් 2025 අගෝස්තු  මස 19  වන දින  ශ්‍රී ලංකා සංචාරක සංවර්ධන අධිකාරියේ මගපෙන්වීම යටතේ  මීගමුව ප්‍රාදේශීය  ලේකම් කාර්යාලයේ  සංවිධානයෙන්  කාර්යාලයේ ශ්‍රවණාගාරයේ දී පැවැත්විණි.