ප්‍රාදේශීය මහ ලේකම් කාර්යාලය - මීගමුව

මීගමුව ප්‍රාදේශීය ලේකම් කාර්යාලයේ ළමා හා කාන්තා ඒකකය මඟින් සංවිධානය  කරන ලද මුල්ළමාවිය සංවර්ධනය හා එහි වැදගත්කම පිළිබඳව දෙමව්පියන් දැනුවත් කිරීමේ වැඩසටහනක් මීගමුව විජය පෙර පාසැලේදී  2025 පෙබරවාරි මස 11 වන දින පැවැත්විණී.

ප්‍රාදේශීය ලේකම් රසිකා මල්ලවආරච්චි මහත්මියගේ නායකත්වය හා මගපෙන්වීම මත  ආගමික නායකයින් , විශේෂ ආරාධිත අමුත්තන්  සහ කාර්යාලීය නිලධාරීන්ගේ සහභාගීත්වයෙන් 2024/12/20 වන දින නත්තල් උත්සවය පවත්වන  ලදි.

Clean Sri Lanka "පොහොසත් රටක් , ලස්සන ජීවිතයක් "  තේමාව යටතේ සුන්දර වෙරළක් නිර්මාණය කිරීමේ ජාතික වැඩසටහන අනුව සුන්දර වෙරළක් ආකර්ෂණිය සංචාරක ගමනාන්තයක් නිර්මාණය කිරීම සඳහා  වත්තල සිට මීගමුව දක්වා වෙරළ තීරය පිරිසිදු කිරීමේ ජාතික වැඩසටහන යටතේ මීගමුව වෙරළ තීරයේ ස්ථාන  24 කදී  කි.මී. 20ත වෙරළ තීරය පිරිසිදු  කිරීම  2025 පෙබරවාරි 09 වන දින පෙ.ව. 7.00 සිට පෙ.ව. 11.00 දක්වා මීගමුව වෙරළ තීරයේදී පවත්වන ලදි.

එහි සමාරම්භක අවස්ථාව මීගමුව වෙරළ උද්‍යානයේදී ගරු කම්කරු නියෝජ්‍ය අමාත්‍ය මහින්ද ජයසිංහ මහතාගේ ප්‍රධානත්වයෙන් සිදු කෙරිණි. ගම්පහ දිස්ත්‍රික් ලේකම් ලලින්ද ගමගේ මහතා ඇතුළු දිස්ත්‍රික් ලේකම් කාර්යාලයේ නිලධාරින්. මීගමුව ප්‍රාදේශීය ලේකම් රසිකා මල්ලවආරච්චි මහත්මිය ඇතුළු එම කාර්යාලයේ නිලධාරින් මෙන්ම මීගමුවේ රාජ්‍ය ආයතනයන්හි නිලධාරින්ද , පොලිසිය , ගුවන් හමුදාව , වෙරළ ආරක්ෂක දෙපාර්තමේන්තුව, මීගමුව මහ නගර සභාව, බන්ධනගාර නිලධාරින්හා එහි නේවාසිකයන්, සිවිල් සංවිධානත් ඇතුළුව දෙදහසකට අධික පිරිසක් ඒ සඳහා සහභාගී විය.

 මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ මගපෙන්වීමෙන්, කාර්යාලය හා  තරුණ හින්ඳු සංගමය එක්ව ජාතීන් හා ආගම් අතර සහජීවන සංහිඳියාව ඇති කිරිම  සඳහා 12 වන වරටත් පවත්වනු ලැබූ   තෛයිපොන්ගල් දින සැමරුම් උත්සවය ගම්පහ  දිස්ත්‍රික් ලේකම් ලලින්ද ගමගේ මහතාගේ සහභාගීත්වයෙන්   2025 ජනවාරි මස 23 වන කාර්යාලීය පරිශ්‍රයේදී  පවත්වන ලදි.