Divisional Secretariat - Negombo

ඔක්තෝම්බර් 01 වැනි දිනට යෙදෙන ජාත්‍යන්තර වැඩිහිටි දිනයට සමගාමීව මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ  මගපෙන්වීමෙන්  කාර්යාලයේ සමාජසේවා ඒකකය හා වැඩිහිටි බලමණ්ඩලය එක්ව සංවිධානය කරන ලද "මීපුර වැඩිහිටි මහෝත්සවය" 2025 ඔත්තෝබර් මස  07 වන  දින මීගමුව වැල්ලවීදිය තරුණ හින්දු සංස්කෘතික ශාලාවේදී උත්කර්ෂවත් ලෙස පැවැත්විණි. 

එම අවස්ථාවට මීගමුව නගරාධිපති රොබට් හීන්කෙන්ද මහතා,  මීගමුව ප්‍රාදේශීය ලේකම් රසිකා මල්ලවආරච්චි මහත්මිය, මීගමුව බන්ධනාගාර අධිකාරි ජීවක ඉන්ද්‍රජිත් මහතා, මීගමුව සංචාරක සංගමයේ සභාපති  ඒ.වර්ණකුමාර මහතා ඇතුළු ආරාධිත අමුත්තන්  ⁣මෙන්ම වැඩහිටියන් රැසක් ද සහභාගී විය.

⁣එහිදී මීගමුව ප්‍රාදේශීය ලේකම් කාර්යාලයේ ලියාපදිංචි වැඩිහිටි සමිති නියෝජනය කරමින් පැමිණී වැඩිහිටි සාමාජික සාමාජිකාවන් විසින් ඔවුන්ගේ දක්ෂතා එලිදක්වමින්  නර්තන ගායන සහ නාට්‍ය වැඩසටහන් ඉදිරිපත් කරන ලද අතර වැඩිහිටි බල මණ්ඩලයේ අරමුදල වෙනුවෙන් ලොතරැයි දිණුම් හිමි ජයග්‍රාහකයන් තෝරා ගැනීමද එම අවස්ථාවේ සිදුකරන ලදි. 

මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ මගපෙන්වීමෙන් මීගමුව ප්‍රාදේශීය ලේකම් කාර්යාලය මගින් වාර්ෂිකව පවත්වනු ලබන සාහිත්‍ය කලා මහෝත්සවය ” කලා කෙතේ රන් අස්වනු ” නමින් 2025 සැප්තැම්බර් මස 26 වන දින නිවුස්ටෙඩ් විද්‍යාලීය ප්‍රධාන ශාලාවේ දී සර්වාගමික පුජකවරුන්ගේ සහභාගීත්වයෙන් උත්සවාකාරයෙන් පැවැත්වුණි.

මෙම උත්සවයේ ආරාධිත අමුත්තන් ලෙස ගරු නියෝජ්‍ය ක්‍රීඩා අමාත්‍ය හා මීගමුව සම්බන්ධීකරණ කමිටු සභාපති සුගත් තිලකරත්න මැතිතුමා සහ මීගමුව ගරු නගරාධිපති රොබට් හීන්කෙන්ද මැතිතුමා ,කටාන සහකාර ප්‍රාදේශීය ලේකම් නිලුෂ ද සිල්වා මහතා, නිවුස්ටෙඩ් විද්‍යාලයේ විදුහල්පති උදයංගි දෙහිවත්ත මහත්මිය , කලාකරුවන් සහ රාජ්‍ය නිලධාරීන් සහභාගී වු අතර ප්‍රදේශයේ කලායතන දරුදැරියන් විසින් විවිධ නර්තනාංගයන්ගෙන් උත්සව අවස්ථාව වර්ණවත් විය. මෙහි ප්‍රධාන දේශනය සෞන්දර්යය කලා විශ්ව විද්‍යාලයේ කථිකාචාර්ය ශාන්ත පීරිස් මහතා ඇතුළු කණ්ඩායම විසින් සිදු කරන ලදි.

එහිදි සිංහල ,ඉංග්‍රීසි හා දමිල භාෂා  මාධ්‍ය  තුනෙන්ම පාසැල් හා විවෘත අංශය වශයෙන් පැවැත්වූ  මී පුර කලාකලරුවන්ගේ සහ පාසැල් දූ දරුවන්ගේ නිර්මාණ කුසලතා වලින් ජය ගත් ජයග්‍රාහක, ජයග්‍රාහිකාවන් හට සහතිකපත් හා ත්‍යාග  ලබාදිම ද සිදුවිය.

මීගමුව ප්‍රාදේශීය ලේකම්තුමියගේ මගපෙන්වීමෙන් මීගමුව ප්‍රාදේශීය ලේකම් කාර්යාලයේ  ළමා හා කාන්තා ඒකකය  ඇතුළු කාර්ය මණ්ලඩය විසින් ඔක්තෝබර් මස 01 වැනි දිනට යෙදී තිබුණ  ළමාදිනය නිමිත්තෙන් ළමා සැමරුම්  උත්සවයක් මීගමුවේ කඩොල්කැලේ ජෙයරාජ් ප්‍රනාන්දුපුල්ලේ අනුස්මරණ ගෘහස්ථ ක්‍රීඩාගාරයේදී පවත්වන ලදි.  මෙම උත්සවයට මීගමුව ප්‍රාදේශීය ලේකම් කොට්ඨාශයේ  පෙර පාසල් 42 ක  1200 කට වැඩි දරු දැරියන්  පිරිසක් සහභාගි වූහ.

මෙම ලෝක ළමා දින සැමරුම් උත්සවයට ගරු ක්‍රීඩා නියෝජ්‍ය අමාත්‍ය මීගමුව ප්‍රාදේශීය සම්බන්ධීකරන කමිටු සභාපති සුගත් තිලකරත්න මැතිතුමා, මීගමුව නගරාධිපති රොබට් හීන්කෙන්ද මහතා , මීගමුව  පොලිස් ස්ථානයේ, ළමා හා කාන්තා කාර්ය අංශයේ ස්ථානාධිපති ,නිලන්ති රත්නායක මහත්මිය, මීගමුව වැඩ බලන සෞඛ්‍ය වෛද්‍ය නිලධාරී, වෛද්‍ය රුවන් පෙරේරා මහතා , මීගමුව සංචාරක සංගමයේ සභාපති ඒ. වර්ණකුමාර මහතා  ඇතුළු ආරාධිතයින් පිරිසක් සහභාගි වන ලදි.

මේ උත්සවය සඳහා සහභාගි වූ සියලුම දරු දැරියන් වෙනුවෙන් නැටුම් ගැයුම්, අංග කිහිපයකින් වර්ණවත් වුණ අතර කතන්දර නැන්දා සහ සුටීන්-මා(ර්)ටින් යන විනෝදාස්වාද අංගයන් කිහිපයක්ද  ඉදිරිපත් කර තිබු බැවින් කුඩා දරු දැරියන්  බොහෝම නිදහසින් නටමින් ගයමින් විනෝද වූහ.
.
ඒ සඳහා ඇට්ලස් ආයතනය ඇතුළු තවත් අනුග්‍රහක භවතුන් කීහිපදෙනෙකු  සහාය දක්වා තිබූ අතර  අවසානයේ සහභාගි වූ සියලුම දරු දැරියන්ට ත්‍යාග ප්‍රදානය කිරීමක්ද සිදුවිය.

මීගමුව තාරුණ්‍යයේ ක්‍රීඩාවේ හෙට දවස ශක්තිමත් කිරීම සදහා 35 වෙනි ජාතික යෞවන මහා ක්‍රීඩා උළෙලට සමගාමීව පැවති මීගමුව ප්‍රාදේශිය ක්‍රීඩා උළෙල 2025 සැප්තැම්බර් මස 21 වන දින අති උත්කර්ෂවත් අන්දමින් මීගමුව මාරිස්ටෙලා විදුහල් ක්‍රීඩාපිටියේදී පැවැත්විණි.

එම අවස්ථාව මීගමුව  ප්‍රාදේශීය ලේකම් රසිකා මල්ලවාරච්චි මහත්මිය, ,ජාතික තරුණ සේවා සභාවේ ගම්පහ දිස්ත්‍රික් සහකාර අධ්‍යක්ෂ මේනක බාලසූරිය මහතා , මීගමුව මහ නගර සභාවේ නගරාධිපති රොබට් හීන්කෙන්ද මහතා  නාගරික මන්ත්‍රී මණ්ඩලය ,  ගම්පහ දිස්ත්‍රික් තරුණ සේවා නිලධාරි සන්ධ්‍ය සමන් මඩපාත මහත්මිය ,ශ්‍රී ලංකා යෞවන සමාජ සම්මේලනයේ ජාතික ලේකම් මිථින ගිහාන් ප්‍රියසාද් තරුණ නායකයා ,ක්‍රීඩා පුහුණු කරුවන් , දෙමාපියන් හා  ක්‍රීඩක ක්‍රීඩිකාවන්ගේ  සහාභාගීත්වයෙන් අති සාර්ථකව පැවැත්විණි.