Divisional Secretariat - Negombo

ලෝක ජනාවාස දිනයට (World Habitat Day) සමගාමීව, මීගමුව ප්‍රාදේශීය ලේකම් කාර්යාලයේ පූර්ණ සම්බන්ධීකරණයෙන් ඉදි කරන ලද නව නිවාස 06 ක් ජනතා අයිතියට පැවරීමේ නිල උත්සවය 2026 ඔක්තෝබර් මස 05 වැනි දින සාර්ථකව පැවැත්විණි. රාජ්‍ය අංශයේ ප්‍රතිපාදන මත ක්‍රියාත්මක වූ මෙම සුවිශේෂී ව්‍යාපෘතිය යටතේ  සමෘද්ධි සංවර්ධන දෙපාර්තමේන්තු ප්‍රතිපාදන මත නිවාස 02 ක් හා ජාතික නිවාස සංවර්ධන අධිකාරියේ (NHDA) ප්‍රතිපාදන මත නිවාස 04 ක් ලෙස ප්‍රදේශයේ අඩු ආදායම්ලාභී පවුල් වෙත නිල වශයෙන් භාර දෙන ලදී.

මෙම අවස්ථාව සඳහා මීගමුව සම්බන්ධීකරණ කමිටු සභාපති  ගරු ක්‍රීඩා නියෝජ්‍ය අමාත්‍ය සුගත් තිලකරත්න මැතිතුමා, මීගමුව ගරු නගරාධිපති චාමර ප්‍රනාන්දු මැතිතුමා ඇතුළු දේශපාලන අධිකාරියත්, මීගමුව ප්‍රාදේශීය ලේකම් රසිකා මල්ලවආරච්චි මහත්මිය ඇතුළු රාජ්‍ය නිලධාරීන් රැසක් සහභාගී විය. 

සෑම වසරකම සැප්තැම්බර් මස 27 වන දිනට යෙදෙන ජාත්‍යන්තර සංචාරක දිනය නිමිති කරගෙන  මීගමුව සංචාරක සංගමය ද (Negombo Tourist Association - NTA) සංචාරක කර්මාන්තයට නව ප්‍රාණයක් ලබා දෙමින් 2026 සැප්තැම්බර් මස 27 වන දින සවස මීගමුව සංචාරක කලාපයේ පිහිටි  " බන්යැන් බායි සෙන්ටිඩෝ හෙරිටන්ස් " ( "Banyan by Sentido HERITANCE" ) අවන්හල් පරිශ්‍රයේදී විශේෂ ජාත්‍යන්තර සංචාරක දින සැමරුම් වැඩසටහනක් අති  උත්කර්ෂවත් අයුරින් පවත්වන ලදි.

මෙහිදී මීගමුව ප්‍රාදේශීය ලේකම් කොට්ඨාස බල ප්‍රදේශය තුළ ස්ථාපිතව ඇති සංස්කෘතික බලමණ්ඩලය විසින් මෙරට ජාතීන් අතර ඇති විවිධත්වය සහ අනන්‍යතාවයන් මනාව විදහා දැක්වෙන නර්තනාංග සහ සංගීතමය අංග කිහිපයක් ඉදිරිපත් කරන ලද අතර එහි විශේෂත්වය වූයේ, මෙම සියළුම නර්තනාංග ඉදිරිපත් කරන ලද්දේ මීගමුව සංස්කෘතික බලමණ්ඩලයේ ලියාපදිංචි රංග ආයතනවල සාමාජික සාමාජිකාවන් වීමයි.  

මෙම වැඩසටහනට මීගමුව සහකාර ප්‍රාදේශීය ලේකම් ලංකා බන්නැහැක මහත්මිය ප්‍රධාන ආරාධිතයා ලෙස එක් වූ අතර, මීගමුව සංචාරක සංගමයේ සභාපති ඒ. වර්ණකුමාර මහතා විශ්‍රාමලත් නියෝජ්‍ය කම්කරු කොමසාරිස්වරියක වූ නීතිඥ නාලනී හංසමාලා ජයතිලක මහත්මිය, මීගමුව සංස්කෘතික කටයුතු පිළිබඳ නිලධාරිනී දීලූෂා ප්‍රනාන්දු මහත්මිය ඇතුළු ආරාධිතයන් පිරිසක් සහ වැඩසටහන නැරඹීම සඳහා මීගමුව සංචාරක කලාපයේ ප්‍රසිද්ධ හෝටල් හිමිකරුවන් සහ උසස් නිලධාරීන් ඇතුළු අමුත්තන් පිරිසක්ද ,විවිධ රටවලින් පැමිණි විදේශීය සංචාරකයන් පිරිසක් සහ ශ්‍රී ලාංකික සංචාරකයන් පිරිසක්ද  සහභාගී වූහ.

 මී පුර නිර්මාණකරුවන්ගේ සහ පාසල් දූදරුවන්ගේ නිර්මාණ කුසලතා අගයනු වස් මීගමුව ප්‍රාදේශීය ලේකම් කාර්යාලය මගින්සංවිධානය කරනු ලැබු “ කලා කෙතේ රන් අස්වනු” ප්‍රාදේශීය සාහිත්‍ය කලා මහෝත්සවය2026 සැප්තැම්බර් මස 28 වන දින විද්‍යාලංකාර විද්‍යාලීය ප්‍රධාන ශාලාවේ දී පෙ. ව. 9.00 සිට උත්සවාකාරයෙන් පවත්වන ලදි. මීගමුව සම්බන්ධීකරන කමිටු සභාපති හා නියෝජ්‍ය ක්‍රිඩා අමාත්‍ය ගරු සුගත් තිලකරත්න මැතිතුමා, මීගමුව ගරු නගරාධිපති චාමර ප්‍රනාන්දු මැතිතුමා, ප්‍රදේශයේ කලාකරුවන් ,රාජ්‍ය නිලධාරීන් ඇතුළු සම්භාවනීය අමුත්තන් රැසක් සහභාගී  වූ අතර සර්වාගමික පුජකවරුන්ගේ ආශිර්වාද මධ්‍යයේ උත්සවය ආරම්භ කෙරිණි.

මීගමුවේ කලායතනයන්හි ඉගෙනුම ලබන දරුදැරින්ගේ නර්තනාංගයන්ගෙන් උත්සවය වර්ණවත් විය. මාධ්‍යවේදී ගත්කතුවර බන්දුල කේ ආරියපාල මහතා ඇතුළු පිරිස “ ජන ගීයෙන් හෙලිවන අපේ පැරණි ආහාර සංස්කෘතිය” යන මැයෙන් දරුවන් සදහා දේශනයක් පවත්වන ලදි. 

මෙහිදී සිංහල, ඉංග්‍රිසි හා දමිල යන මාධ්‍ය ත්‍රිත්වයෙන් ම තරග පවත්වා එහිදී ජයග්‍රහනය කල තරගකරුවන් 114 දෙනෙකු සදහා ත්‍යාග හා සහතිකපත් පිරිනැමීමද මෙහිදී සිදු වු අතර මෙම වැඩසටහන සංස්කෘතික කටයුතු දෙපාර්තමේන්තුව හා බස්නාහිර පලාත් සංස්කෘතික හා කලා කටයුතු අමාත්‍යංශයේ ප්‍රතිපාදන මත මීගමුව ප්‍රාදේශීය ලේකම් රසිකා මල්ලවආරච්චි මහත්මියගේ මෙහෙයවීමෙන් පැවැත්විය.

ජාත්‍යන්තර වෙරළ පිරිසිදු කිරීමේ දිනය සහ ජාතික සමුද්‍ර සම්පත් සංරක්ෂණ සතියට සමගාමීව, “ක්ලීන් ශ්‍රී ලංකා” සහ “අත්තම” ජාතික වැඩසටහන යටතේ සංවිධානය කරන ලද විශේෂ වෙරළ පිරිසිදු කිරීමේ ශ්‍රමදාන වැඩසටහනක් 2026 සැප්තැම්බර් 19 වන දින මීගමුව බ්‍රවුන්ස් බීච් වෙරළ තීරයේදී සාර්ථකව පැවැත්විණි. 

මෙහි ප්‍රධාන අරමුණ වෙරළබඩ හා සමුද්‍රීය පරිසර පද්ධතිය ප්ලාස්ටික් ඇතුළු අපද්‍රව්‍යවලින් තොරව පවත්වාගෙන යාම සහ පරිසර සංරක්ෂණය පිළිබඳ ජනතාවගේ අවධානය හා සහභාගීත්වය තවදුරටත් වර්ධනය කිරීම වූ අතර මෙම වැඩසටහන සාර්ථක කර ගැනීම සඳහා  රාජ්‍ය නිලධාරීන්, රාජ්‍ය නොවන සංවිධාන, ස්වේච්ඡා පිරිස් සහ ප්‍රදේශවාසීන් සහයෝගය ලබාදෙන ලදි.